რა უნდა იცოდეთ აპოსტილით დამოწმების სერვისის შესახებ

რას წარმოადგენს აპოსტილი და რატომ არის ის საჭირო

აპოსტილი (Apostille) არის სახელმწიფო ორგანოს მიერ გაცემული ოფიციალური დოკუმენტი (სერტიფიკატი), რომელიც ადასტურებს იმ დოკუმენტების ნამდვილობას, რომლებიც სხვა ქვეყანაში წარსადგენად გამოიყენება.

როგორც წესი, აპოსტილს გასცემს ის სახელმწიფო, რომელშიც შედგა ან გაიცა ორიგინალი დოკუმენტი. გარკვეულ შემთხვევებში, იგივე ფუნქციის შესრულება სხვა სახელმწიფოსაც შეუძლია. როგორც კი დოკუმენტი დაიმოწმება აპოსტილით, მისი წარდგენა შესაძლებელია ნებისმიერ იმ ქვეყანაში, რომელიც აღიარებს მასზე არსებული ხელმოწერებისა და ბეჭდების კანონიერებას.

ლეგალიზაციის დეპარტამენტი (The Legalisation Office) ამოწმებს დოკუმენტის ნამდვილობას მასზე არსებული ხელმოწერის, ბეჭდებისა და შტამპების ექსპერტიზის გზით. ამის შემდეგ უწყება ახდენს მის ლეგალიზებას ოფიციალური სერტიფიკატის („აპოსტილის“) დართვით.

სერვისით სარგებლობისთვის დაგჭირდებათ:

• დოკუმენტები, რომელთა ლეგალიზებაც / აპოსტილით დამოწმებაც გსურთ;

• საკრედიტო ან სადებეტო ბარათი მომსახურების საფასურის გადასახდელად;

• მისამართი, სადაც გსურთ, რომ დამოწმებული დოკუმენტები დაგიბრუნდეთ;

• ოფიციალური მოსაკრებლის გადახდა: £30 (ან უფრო მაღალი ტარიფი, თუ გსურთ იმავე დღეს მომსახურების მიღება) — იურიდიული ხარჯი.

მიუხედავად იმისა, რომ გაერთიანებული სამეფოს (UK) აპოსტილის სერტიფიკატები აღიარებულია ქვეყნების უმეტესობაში, ზოგიერთი სახელმწიფო დამატებით ლეგალიზაციას ითხოვს. მაგალითად, თუ დოკუმენტი წარედგინება ქვეყანას, რომელიც არ არის ჰააგის კონვენციის წევრი, შესაძლოა საჭირო გახდეს შემდგომი ლეგალიზაციის პროცედურა.

ეს ჩვეულებრივ მოიცავს დოკუმენტის თავდაპირველ დამოწმებას აპოსტილით, რასაც შემდგომ მოსდევს მისი ლეგალიზება იმ ქვეყნის საელჩოს/საკონსულოს მეშვეობით, სადაც დოკუმენტი გაიცა.

ეს პროცესი ხშირად დიდ დროს მოითხოვს და დაკავშირებულია მრავალეტაპიან პროცედურებთან და დამატებით ხარჯებთან. ამასთანავე, უმნიშვნელოვანესია წინასწარ გაიაროთ კონსულტაცია იმ პირთან ან უფლებამოსილ ორგანოსთან, რომელსაც საბუთს წარუდგენთ, რათა დააზუსტოთ მათი კონკრეტული მოთხოვნები.

დოკუმენტების ლეგალიზაციისა და აპოსტილით დამოწმებისთვის შეგიძლიათ ისარგებლოთ ჩვენი სერვისით — დაჯავშნის გვერდზე აირჩიეთ კატეგორია „სხვა მომსახურება“ (miscellaneous).