კერძო კაპიტალის ინვესტიციები

LawLex-ის პირდაპირი ინვესტიციების (Private Equity) იურისტებს გააჩნიათ მრავალმხრივი გამოცდილება Private Equity ფონდებისა და საოჯახო ოფისების (family offices) კონსულტირების მიმართულებით. ჩვენ ვსარგებლობთ მაღალი რეპუტაციით ევროპულ ბაზარსა და მის ფარგლებს გარეთ და ვთავაზობთ კლიენტებს მათ უნიკალურ საჭიროებებზე მორგებულ გადაწყვეტილებებს. ბაზრის მოთამაშეები, რომელთაც ჩვენ წარმოვადგენთ, მოიცავს როგორც მსხვილ, საშუალო და მცირე ფონდებს, ისე საოჯახო საინვესტიციო სტრუქტურებს, რომლებიც აწყდებიან გამოწვევებს კაპიტალის მოზიდვის (fundraising), გარიგებების მოძიების (origination), შეფასების, აღსრულების, პორტფელის ეფექტიანობის, გასვლის სტრატეგიებისა (exit strategies) და რეგულაციების კუთხით.

ჩვენი Private Equity გუნდები უზრუნველყოფენ ინტერდისციპლინურ იურიდიულ და საგადასახადო კონსულტაციას ყოველდღიურ ისეთ კომპლექსურ საკითხებზე, როგორიცაა აქტივების შეფასება, ფინანსური მაჩვენებლები, გასვლის სტრატეგიები და მარეგულირებელი მოთხოვნები. მრავალწლიანი გამოცდილების, დარგობრივი ექსპერტიზისა და საერთაშორისო მასშტაბის გაერთიანებით, ჩვენ ვმოქმედებთ როგორც თქვენი სტრატეგიული მრჩევლები.

სასესხო რესურსების ხელმისაწვდომობამ და მნიშვნელოვანმა კაპიტალურმა ვალდებულებებმა გაამძაფრა კონკურენცია აქტივებზე და გავლენა მოახდინა ფასწარმოქმნის დონეზე. ჩვენი თანმიმდევრული საინვესტიციო სტრატეგია უზრუნველყოფს სწორი აქტივების შეძენასა და თქვენი პორტფელიდან მაქსიმალური ღირებულების მიღებას. ჩვენი გუნდები სტრუქტურირებულია ისე, რომ დაფაროს ყველა სექტორი და ფონდის სასიცოცხლო ციკლის თითოეული ეტაპი — დაფუძნებიდან და ადმინისტრირებიდან დაწყებული, ინვესტირებით, პორტფელის მონიტორინგითა და გასვლით (exit) დასრულებული.

40-ზე მეტ ქვეყანაში წარმოდგენილი ჩვენი მრავალპროფილური გუნდების მეშვეობით, ჩვენ შეგვიძლია ოპერატიულად ჩავერთოთ როგორც მცირე, ისე კომპლექსურ ტრანზაქციებში. ჩვენი ექსპერტიზა მოიცავს ანტიმონოპოლიურ, საგადასახადო, შრომის, საბანკო, კომერციულ, ESG და დავების გადაწყვეტის მიმართულებებს, რაც უზრუნველყოფს თქვენი ფონდებისა და ინვესტიციების საიმედო დაცვასა და ზრდას. იმყოფებით მსხვილი კაპიტალის (upper PE), საშუალო ბაზრის (mid-market) თუ ვენჩურული დაფინანსების სეგმენტში, ჩვენი იურისტები დაგეხმარებიან საუკეთესო კომერციული შედეგების მიღწევაში მრავალ იურისდიქციაში.